“Ronaldo futbolun ən yaxşı təcəssümü idi\"

"Mançester Yunayted"in hücumçusu Zlatan İbrahmoviç növbəti dəfə maraqlı açıqlaması ilə diqqət çəkib.

Ölkə.Az apasport.az-a istinadən xəbər verir ki, ESPN-ə danışan isveçli 3 ulduz futbolçunu müqayisə edib.

Belə ki, o, karyerasını bitirmiş Ronaldo, Ronaldinyo, eləcə də, hazırda "Real"ın uğurları üçün çalışan Kriştianu Ronaldu barədə fikirlərini bölüşüb.
 
İbrahimoviç Braziliya yığmasının sabiq hücumçusu Ronaldonu digərlərindən üstün tutub: "Mənə görə Ronaldo futbolun ən yaxşı təcəssümü idi. Onun etdiyi hər şey insana zövq verirdi. Gərək o cür doğulasan, elə futbolçuya sonradan çevrilmək olmur. Ronaldo unikal idi. Ronaldinyo ilə "Milan"da bir yerdə çıxış etmişəm. Amma həmin vaxtlar karyerasının ən yaxşı günlərini yaşamırdı. Buna baxmayaraq, onunla birgə çıxış etmək xoşuma gəlirdi. Çünki rəqiblərin başına istədiyi oyunu açırdı. O ki qaldı Kriştianu Ronalduya, birlikdə oynamamışıq. Amma o, fərqli tərzdə futbolçudu. Kriştianunun hazırkı səviyyəsi anadangəlmə istedadın yox, gərgin məşqlərin nəticəsidi".