Bağdadda iki partlayış: 18 ölü, 38 yaralı
İraqın paytaxtı Bağdadda ardıcıl törədilən iki partlayış nəticəsində azı 18 nəfər ölüb, 38 yaralanıb.
Ölkə.Az “Report”a istinadən xəbər verir ki, bunu yerli polis bildirib.
Partlayış paytaxtın mərkəzi hissəsində Əs-Sinek rayonunda alış-veriş yerlərindən birində törədilib.
Məlumata görə, əvvəlcə bir partlayış olub, oradakı adamlar qaçmağa başlayıb. Bu zaman ikinci partlayış törədilib.
Partlayışın məsuliyyətini hələlik üzərinə götürən yoxdur.
