Türkiyəli hakimin terror hadisəsinə reaksiyası etiraz doğurdu
Türkiyə Futbol Federasiyası dekabrın 31-də İstanbulun "Reina" gecə klubunda baş vermiş terror aktı ilə bağlı sosial şəbəkədə yazdığı fikrə görə hakimlərdən birinə qarşı intizam işi açılacaq.
Ölkə.Az Goal.az-a istinadən xəbər verir ki, söhbət Kütahyadan olan Süleyman Bellidən gedir.
"İçdiyiniz rakı, pivələr, bəlkə, o biri dünyada şəfaətçiniz olar" - gənc hakim yazıb. Artıq Türkiyə Futbol Federasiyası (TFF) da məsələyə rəsmi münasibət bildirib. Qeyd olunub ki, Bellinin bu sözləri araşdırılacaq və Mərkəzi Hakimlər Komitəsinin heabatına görə İntizam komitəsində bu işə baxılacaq.
Yeni il gecəsi "Reina" klubuna həyata keçirilən silahlı hücum nəticəsində 39 nəfər həyatını itirmişdi. Süleyman Belli təzyiqlərdən sonra paylaşımı silib və profil şəklini də qaraldıb.
