Məşhur türk Ramil Şeydayevi aşağıladı
Türkiyənin məşhur idman yazarı Haldun Domaç futbol üzrə milli komandamızın üzvü Ramil Şeydayev haqda xoşagəlməz ifadələr səsləndirib.
Ölkə.Az-ın məlumatına görə, Domaç Şeydayevin "Trabzonspor"un heyətindən uzaqlaşdırılmasını canlı yayımda belə şərh edib:
"Mən onu mini futbol meydançasında da oynatmaram".
Tamaşaçıların şərhçiyə etirazından sonra o, fikrini belə əsaslandırıb:
"Ramil Şeydayev "Trabzonspor" səviyyəsində futbolçu deyil. Onunla mini futbol meydanında da komanda yoldaşı olmaram. Çünki saçımı, başımı yoldurar. PTT birinci liqasında "Samsunspor"un heyətində çıxış etsin, görək, özünü necə göstərir".
Xatırladaq ki, Şeydayev 2016-cı ildə "Zenit"dən "Trabzonspor"a transfer olunmuşdu.
Heyətə düşə bilməyən Azərbaycan milli komandasının üzvü "Samsunspor"a icarəyə verilib.
İntiqam VALEHOĞLU
Ölkə.Az
