50 yaşlı Canet Cekson ana oldu

Müğənni Canet Cekson ana olub.

Ölkə.Az xəbər verir ki, 50 yaşlı ulduz oğluna Eissa adını verib. Canet doğuşu sağlam və stressiz keçirib və hal-hazırda istirahət edir.

Amerikalı müğənni Canet Cekson Qatarlı iş adamı Vissam əl-Mana ilə ailə həyatı qurmuşdu. Cütlüyün bu nikahdan oğlu dünyaya gəlib. Müğənninin mətbuat xidmətindən verilən məlumata görə, cütlük övlad sahibi olduğu üçün böyük həyəcan keçirib.

Cütlük 2012-ci ildə ailə həyatı qurub. Aprel ayında müğənni qastrol səfərini təxirə salaraq istirahətə çəkilmişdi. Bu isə Canetin hamilə olduğu barədə söz-söhbətə səbəb olmuşdu.

Qeyd edək ki, bir müddət əvvəl cütlük Londonda uşaq əşyaları satan dükanda fotoqrafların obyektivinə tuş gəlmişdi.

Hikmət
Ölkə.Az