Rəis müavini qəzaya uğradı
Cəlilabad rayon polis şöbəsinin əməlliyyat üzrə rəis müavini Səfər Nuruyevin avtomobili qəzaya uğrayıb.
Ölkə.Az xəbər verir ki, hadisə Cəlilabad rayonunda baş verib. Rayon sakini Səfər Nuriyevin idarə etdiyi “Hyundai SantaFe” markalı minik avtomobil ilə Heydər Əliyev prospektində hərəkətdə olarkən “VAZ-2115” markalı avtomobillə toqquşub.
Qəza zamanı sürücülər xəsarət almasa da, hər iki avtomobilə ciddi ziyan dəyib.
Qeyd edək ki, “Hyundai SantaFe” markalı avtomobilin sürücüsü Cəlilabad rayon polis şöbəsinin əməlliyyat üzrə rəis müavini Səfər Nuriyevdir.
Faktla bağlı araşdırma aparılır.
Ziya Səccad
Ölkə.Az
