Klintonun elektron poçtunu qıran haker sükutu pozdu
Hillari Klintonun elektron poçtunu sındıran haker sükutu pozub.
Ölkə.Az xəbər verir ki, haker Vaşinqtonun kiber hücumlara görə bəyanatını isterika adlandırıb.
Rumıniyalı haker Lazar Marçel Lexel ABŞ-ın kiber hücumlara görə məsuliyyəti Rusiyanın boynuna atmasını Soyuq müharibə illəri ilə müqayisə edib.
"Guccifer" ləqəbi ilə tanınan Lazar Rumıniyada bir sıra siyasətçinin və Hillari Klintonun elektron poçtunu sındırdığı üçün həbsxana həyatı yaşayır. Haker deyib: "ABŞ-ın haker hücumuna görə Rusiyanı günahlandırması axmaqlıqdır. Başa düşürsüz? Bu isterikadır".
44 yaşlı Lazar 2016-cı ilin may ayında günahını etiraf edərək həbsə məhkum edilib. O, 2019-cu ildə ABŞ-a ekstradisiya ediləcək və 52 ay həbsxanada cəza çəkəcək.
Hikmət
Ölkə.Az
