İzmirdə terror aktını PKK törədib

İzmirdə partlayışın qarşısını mühafizə polisi alıb.

Ölkə.Az xəbər verir ki, bu sözləri İzmir valisi Erol Ayyıldız deyib.

Vali bildirib ki, öldürülən terrorçuların üzərindən, avtomat silahlar, qumbara atan və əl bombaları tapılıb.

Güman edilir ki, vaxtında müdaxilə olunmasa, ölənlərin sayı daha çox ola bilərdi. Hazırda digər terrorçunun axtarışı aparılır. İzmirdə təhlükəsizlik tədbirləri gücləndirilib".

Vali 2 nəfərin şəhid olduğunu, 7 nəfərin isə yaralandığını bildirib.

Erol Akyıldız terror aktının PKK tərəfindən törədildiyini deyib.

 

***

İzmirdə baş verən partlayış nəticəsində 2 nəfər şəhid olub.

Ölənlərdən biri polis əməkdaşı, digəri isə ədliyyə işçisidir.

Hazırda polis ərazidə şübhəli bir avtomaşını partlatmağa hazırlaşır.

***

İzmirdə məhkəmə binası qarşısında bomb yüklü avtomobil ilə edilən hücumda maraqlı detallar üzə çıxıb.

Ölkə.Az xəbər verir ki, polis əməkdaşları vaxtında terrorçuları görüb vəziyyətə müdaxilə ediblər.

Terrorçular bu müdaxilə səbəbindən avtomobili partladıblar.

Polisin sayıqlığı böyük bir faciənin qarşısını alıb.

Hücum zamanı 2 terrorçu öldürülüb. Digərinin axtarışları davam edir.

Hadisə yerindən qaçan terrorçu ilə polis əməkdaşları arasında atışma olub.

Hücum nəticəsində yaralanan 10 nəfər xəstəxanaya çatdırılıb.

 

***

İzmirdə baş verən partlayışda yaralananların sayı 10-a çatıb.

Yaralılardan biri polis əməkdaşıdır.

Son məlumata görə, iki terrorçu zərərsizləşdirilib. 

Daha bir terrorçu isə hadisə yerindən qaça bilib.

Təhlükəsizlik məqsədi ilə məhkəmə işçiləri binadan çölə buraxılmır

Hazırda həmin terrorçunun tapılması üçün əməliyyat keçirilir.

***

Ərazidə iki terrorçunun olduğu, birinin öldürüldüyü bildirilib.

Hadisə yerində 2 terrorçu zərərsizləşdirilib. Digəri ilə isə polis əməkdaşları arasında atışma gedir.

İddiaya görə, bomba yüklü avtomobil ilə diqqətləri cəlb edib.

Ədliyyə binasının içinə hücum planı təşkil edilib.

Polis əraziyə gələn bütün yolları bağlayıb.

Qara paltolu, ağ papaqlı 165-170 sm hündürlükdə olan bir şübhəli şəxsin saxlanılması üçün polis hərəkətə keçib.

Partlayışın baş verdiyi ərazidə şübhəli bir bağlama da tapılıb.

Hadisə nəticəsində 7 nəfər yaralanıb.

Ərazidə geniş miqyaslı əməliyyat başlayıb.

***

Verilən xəbərə görə, bomba yüklü avtomobilin yanında bir terrorçu cəsədi var.

Terrorçunun yanında avtomat silah da var.

Digər bir terrorçu isə hadisə yerindən qaçarkən polis tərəfindən zərərsizləşdirilib.

İlkin məlumatlara əsasən, 3 nəfər yaralanıb, bir çox avtomobilə ziyan dəyib.

Ədliyyə binası təhlükəsizlik qüvvələri tərəfindən mühasirəyə alınıb.

***

İzmirin Ədliyyə binasının C qapısı qarşısında bir avtomobil partladılıb.

Hadisə yerinə təcili tibbi yardım maşınları və yanğından mühafizə idarəsinin yanğınsöndürənləri cəlb edilib.

Verilən məlumata əsasən bir terrorçu öldürülüb.

Çoxlu sayda yaralının olduğu xəbər verilir

***

İzmirdə böyük partlayış olub.

Ölkə.Az xəbər verir ki, İzmirdə Ədliyyə binası yaxınlığında böyük partlayış olub.

Hadisə yerində bir avtomobil də yanıb.

Əraziyə çoxsaylı təcili tibbi yardım maşınları cəlb edilib.

Hikmət
Ölkə.Az