Bu polis olmasaydı İzmir terrorunda çoxlu insan öləcəkdi
Türkiyənin İzmir şəhərində Ədliyyə binası yaxınlığında baş verən terror zamanı çoxlu sayda insan həlak ola bilərdi, əgər terrorçunu polis Fethi Sekin və bir ədliyyə işçisi görməsəydi.
Ölkə.Az xəbər verir ki, qətliam törətməyə gələn terrorçuları ilk öncə polis əməkdaşı Fethi Sekin görüb. Təhlükəni hiss edən polis əkməkdaşı həmkarlarına məlumat verir və ətrafdakı insanları terror barədə məlumatlandırır. Özü isə terroçuları durdurmağa çalışır. Bu zaman onlarla ilk atışmağa başlayan da məhz Fethi Sekin olub.
Niyyətlərinin bəlli olduğunu görən terroçular bomba yükü dolu avtomobili partladıblar. Özləri isə qaçmağa çalışıblar. Avtomobildə olan 3 terrorçudan ikisi həlak olub. Digəri isə qara paltolu, ağ papaqlı 165-170 sm hündürlükdə olan bir şübhəli şəxs ərazidən qaçıb.
Hadisədən danışan İzmir valisi Erol Ayyıldız da terrorçularla mübarizə zamanı şəhid olan Fethi Sekin qəhrəmanlığını xüsusi vurğulayıb:
"Başımız sağ olsun. Atışmada qəhrəman polis məmuru Sekin ilə birlikdə ədliyyə əməkdaşı da həlak olub. Onların qəhrəmanlığı nəticəsində baş verə biləcək böyük faciənin qarşısı alınıb. Terrorçuların çoxlu insan öldürmək arzusu puç olub. 2 terorçu məhv edilib”, - deyə vali bildirib.
Ziya Səccad
