AES-in istismar müddəti 2026-cı ilə kimi uzadılacaq

Rusiya və Ermənistan bağlanacaq sazişin detalları aşkarlanıb

Rusiya və Ermənistan arasında bu ölkədəki Mesamor Atom Elektrik Stansiyasının (AES) ikinci blokunun istismar müddətinin 2026-cı ilə kimi uzadılması barədə saziş bağlanacaq. 

Bu barədə Ermənistan energetika və təbii qaynaqlar nazirinin müavini Ara Simonyan bildirib. 

Onun sözlərinə görə, saziş 2014-cü ilin sonlarında imzalanacaq və saziş çərçivəsində AES-in ikinci blokunun istismar müddəti 2026-cı ilə kimi uzadılacaq. 

Proqramın gerçəkləşdirilməsi üçün Rusiya $300 mln. ayıracaq, bunun $30 mln-u qrant, qalanı kredit şəklində veriləcək. (Anspress)