Cənubi Koreya və Yaponiya arasında diplomatik böhran

Cənubi Koreya və Yaponiya arasında yeni diplomatik böhran yarana bilər.

Ölkə.Az xəbər verir ki, "seks köləsi" heykəli iki dövlət arasında münasibətlərin gərginləşməyinə səbəb olub.

Cənubi Koreyanın Busan şəhərində Yaponiya konsulluğunun qarşısında "seks köləsi" heykəli qoyulub. Heykəl Tokio və Seul arasında diplomatik böhrana səbəb olub.

1910-1945-ci illər ərzində Yaponiya ordusu tərəfindən "seks köləsi" olaraq istifadə edilən cənubi koreyalı qadınların xatirəsi səfirliyin qarşısında əbədiləşdirilib. Heykəlin açılışına yerli sakinlər böyük maraq göstərib.

Yaponiya səfirini Cənubi Koreyadan geri çağırıb. Rəsmi Tokio heykəlin iki ölkə münasibətlərinə pis təsir edəcəyini bildirib.

Rəsmi Tokio İkinci Dünya Müharibəsi ərəfəsində Yaponiya ordusu tərəfindən fahişəxanalarda işləməyə məcbur edilən Cənubi Koreya qadınları üçün bir milyard yena təzminat ödəməyi qəbul etmişdi. 200 min qadın arasında çinli və filippinli qadınlar da olub.

Hikmət
Ölkə.Az