İran və Türkiyə düşmən deyil

"İran və Türkiyə düşmən deyil, iki ölkə arasında dost münasibətlər mövcuddur".

Bu sözləri İranın Türkiyədəki səfiri Əlirza Bikdeli son vaxtlar bəzi kütləvi informasiya vasitələrində İranla Türkiyənin düşmən olması barədə yayılan xəbərlərə münasibət bildərərkən deyib.

Səfir bildirib ki, İran və Türkiyə əvvəlki illərdən fərqli olaraq daha da yaxşı münasibətlərə malikdir.

“İki ölkə ayrı-ayrı səhvlər buraxa bilməz. İki ölkə eyni anda ya uduzar, ya da qalib gələr. Türkiyə qazanarsa, İran qazanacaq, Türkiyə məğlub olarsa, İran da məğlub olacaq. Ölkələrimizin bir-birlərinə ehtiyacı böyükdür”, deyə səfir bildirib.

Qeyd edək ki, son vaxtlar bəzi KİV-lərdə Türkiyə ilə İranın düşmən olması, bir-birlərinə qarşı siyasət aparması barədə xəbərlər yayılmışdı. (anspress)

Ölkə.Az