Almaniyanın sabiq prezidenti vəfat etdi

Almaniyanın sabiq prezidenti Roman Hersoq vəfat edib.

Ölkə.Az xəbər verir ki, Roman Hersoq 82 yaşında dünyasını dəyişib. O, Almaniya Federativ Respublikasının 7-ci prezidentidir və 1994-1999-cu illər arasında hakimiyyətdə olub. Keçmiş dövlət başçısı uzun sürən xəstəlikdən sonra vəfat edib.

Almaniyanın prezidenti Yoahim Qauk sabiq prezidentin dul arvadı xanım Hersoqa başsağlığı məktubu göndərib. Məktubda Yoahim bu xəbərdən dərin təəssüf hissi keçirdiyini qeyd edib. Onun sözlərinə görə Hersoq parlaq şəxsiyyət olub: "İş bacarığı, müdrikliyi və böyük həyat təcrübəsi ilə ölkəmiz və liberal konstitusiya üçün çalışıb".

Sabiq prezidentin ölümü ilə əlaqədar Almaniyada dövlət səviyyəsində matəm tədbiri keçiriləcək.

Hikmət
Ölkə.Az