Vatikanda prezervativ qalmaqalı

Vatikanda baş verən yeni qalmaqal yüksək rütbəli cəngavər Albrext fon Boslecerin işindən uzaqlaşdırılması ilə nəticələnib.

Ölkə.Az xəbər verir ki, Myanmarda əhaliyə minlərlə prezervativ paylanıb. Vatikan isə bu xəbərdən əsəbləşərək Malta cəngavərlərinin yüksək rütbəli cəngavəri Albrext fon Bosleceri vəzifəsindən uzaqlaşdırıb.

Katolik kilsəsinin mərkəzi Vatikanla qədim katolik təriqəti sayılan Malta cəngavərləri arasında bu məsələyə görə mübahisə baş verib. Bir neçə gün əvvəl təriqətin xeyriyyə fondu Myanmarda yerli əhaliyə prezervativ paylamışdı. Qalmaqaldan sonra yüksək rütbəli cəngavərin işinə xitam verilmişdi. Boslecer "QİÇS"lə mübarizə çərçivəsində prezervativ paylanmasından xəbərinin olmadığını, hadisəni öyrənən kimi isə aksiyanın qarşısını aldığını bildirmişdi. Katolik kilsəsi süni doğuşa nəzarət üsullarını qadağan edir.

Təriqət isə Papanın qərarını mənasız sayır və təriqətin suverenliyinə qarşı zərbə olduğunu bildirir.

Hikmət
Ölkə.Az