Trampdan jurnalistə sərt reaksiya

ABŞ-ın yeni seçilən prezidenti Donald Tramp seçkilərdən sonra ilk dəfə Nyu-Yorkda mətbuat konfransı keçirib.

Ölkə.Az xəbər verir ki, konfransda Trampla CNN müxbiri arasında gərginlik olub.

Tramp şəxsi həyatı və maliyyə vəziyyəti haqqında yayılan xəbərləri uydurma xəbər adlandırıb və CNN müxbirinə "sən uydurma xəbərçisən, kobudlaşma" deyib.

Tramp konfransda jurnalistlərin Rusiyanın seçkilərə müdaxiləsi, şəxsi həyatı, maliyyə vəziyyəti, şirkətlərinin gələcəyi ilə bağlı suallara cavab verib. Eyni zamanda, Rusiyanın gizli məlumatlara sahib olduğu iddialarının yalan olduğunu qeyd edib, bu xəbərləri yayımlayan CNN-i tənqid edib.

CNN müxbiri isə "bizə aid bəzi iddialarınız var, amma mənə söz vermirsiniz" deyib.

Hikmət
Ölkə.Az