Saakaşvilinin taxtı boş qalmadı

Ukrayna prezidenti Poroşenko Odessa bölgəsinə yeni qubernator təyin edib.

Ölkə.Az xəbər verir ki, Odessa qubernatoru postuna Maksim Stepanov təyin edilib.

Maksimin namizədliyi nazirlər kabineti tərəfindən təsdiqlənmişdi və prezident onu bu posta təyin etdi. Stepanov əvvəllər "Ukraina" poliqrafiya kombinatının rəhbəri olub. Maksim daha əvvəllər Odessa vilayəti dövlət adminstrasiyasının sədr müavinliyi vəzifəsini də icra edib.

Poroşenko yeni təyinatla bağlı deyib: "Ümid edirəm ki, yeni təyinatım düzgün qərardır. Maksimin iki ali təhsili və dövlət işində kifayət qədər təcrübəsi var. O, xaricə səfər etməyə yox, işləməyə həvəsli əməkdaşdır".

Hikmət
Ölkə.Az