Əhəd Abıyev tapıldı
Daşkəsən Rayon İcra Hakimiyyətinin başçısı Əhəd Abıyev məzuniyyətdən yanvarın 17-də qayıdacaq.
Bu barədə Ölkə.Az-a Daşkəsən Rayon İcra Hakimiyyətindən məlumat verilib.
Məlumata görə, Əhəd Abıyev hazırda Daşkəsən rayonunda deyil. Onun Bakıda olduğu güman edilir.
İcra Hakimiyyətindən həmçinin bildirilib ki, 2016-cı il Daşkəsən rayonunda 9 noyabr - Dövlət Bayrağı Günü münasibəti ilə keçirilən tədbirdə Əhəd Abıyev əlindən xəsarət alıb:
“Daşkəsən rayonunda 9 noyabr - Dövlət Bayrağı Günü münasibəti ilə keçirilən tədbirdə Əhəd Abıyev şiferdən hazırlanmış Ermənistan bayrağını yumruğu ilə sındırıb. Hətta, bu zaman Əhəd Abıyev əlindən xəsarət alıb”.
Qeyd edək ki, mətbuatda Əhəd Abıyevin tutduğu vəzifədən azad olunması ilə bağlı xəbərlər yayılmışdı.
Ramal Hüseynli
