Nikol Kidman amerikalıları yeni prezidenti dəstəkləməyə çağırdı

Aktrisa Nikol Kidman amerikalılara müraciət edib.

Ölkə.Az xəbər verir ki, aktrisa amerikalıları yeni seçilmiş prezident Donald Trampı dəstəkləməyə çağırıb.

Nikol Kidman amerikalıları pis şeyləri unudaraq Donaldı ABŞ dövlət başçısı kimi dəstəkləməyə çağırıb. Aktrisa deyib: "Demək istəyirəm ki, Donald seçilib. Ölkə olaraq prezidenti dəstəkləməliyik. Ölkə buna əsaslandığı üçün kim olsa da, prezidenti dəstəkləmək lazımdır".

Aktrisa bu vaxta qədər siyasi baxışlarını biruzə verməyib. Seçkilər günü sosial şəbəkədə əri ilə olan fotosunu paylaşıb. Fotoda cütlüyün əynində üzərinə "mən səs verdim" stikeri yapışdırılmış paltar olub.

Hikmət
Ölkə.Az