Donald Trampın inaqurasiya mərasimi barədə pis xəbər
Kanada-Amerika müğənnisi Paul Anka ABŞ-ın yeni seçilən prezidenti Donald Trampın inaqurasiya mərasimində iştirak edə bilməyəcəyini deyib.
Ölkə.Az xəbər verir ki, bu barədə müğənni “TMZ” portalına açıqlamasında bildirib. Onun sözlərinə görə, yanvarın 20-də vacib işi olduğu üçün qrafiki dəyişə bilməyəcək.
“Mən Donald Trampla 50 ildir dostam. Lakin çox təəssüf ki, bu mərasimdə iştirak edə bilməyəcəm”, - deyə Paul Anka bildirib.
Qeyd edək ki, ABŞ-ın yeni seçilən prezidenti Donald Trampın inaqurasiya mərasimində “My Way” mahnısı səslənəcəkdi. Mahnı tanınmış ifaçı Paul Anka tərəfindən ifa ediləcəkdi.
Ziya Səccad
