Pianonun içindən xəzinə çıxdı

İngiltərədə maraqlı hadisə baş verib.

Ölkə.Az xəbər verir ki, pianonun içindən 100 illik xəzinə tapılıb.

İngiltərənin Şropşir əyalətində köhnə pianonun içində gizlədilən xəzinə tapılıb. Verilən xəbərə görə, köhnə piano alan ailə onu təmirə göndərib. Təmir vaxtı pianonun içindən çoxlu qızıl tapılıb. Piano " Broadwood & Sons of London" şirkəti tərəfindən istehsal edilib və 1906-cı ildə musiqi alətlərinin satışı ilə məşğul olan dükanda satılıb. 1983-cü ilə qədər piano barədə heç bir məlumat olmayıb. Musiqi alətini dükandan alan ailə sonradan Şropşirə köçüb.

Britaniya muzeyinin mütəxəssisi Yan Riçardson qızılların 100 il əvvəl pianonun içində gizlədildiyini, qızılların sahibinin isə heç kəsə məlumat vermədən vəfat etdiyini təxmin edir.

Hikmət
Ölkə.Az