İran Türkiyə və Rusiya yaxınlaşmasından narahatdır

İran Rusiya və Türkiyənin Suriya məsələsində yaxınlaşmasından narahatdır.

Ölkə.Az xəbər verir ki, bu barədə Türkiyə xarici işlər nazirliyinin adını açıqlamaq istəməyən diplomatı məlumat verib. Diplomat bildirir ki, təyyarə böhranı həll edildikdən sonra Moskva və Ankara Rusiya məsələsində müştərək fəaliyyətə başlayıblar. Bu isə rəsmi Tehranın narazılığa səbəb olub.

Rəsmi Tehran "Fırat Kalkanı"əməliyyalarından narazıdır. Çünki İran bölgədə vəziyyətin Türkiyə yox, rəsmi Tehran ssenarisi üzrə inkişaf etməyini istəyir.

Qeyd edək ki, bir müddət əvvəl Rusiya prezidentinin Yaxın Şərq və Afrika ölkələri üzrə xüsusi təmsilçisi Mixail Boqdanov Moskvada İranın xarici işlər nazirinin müavini Hüseyn Caberi-Ənsəri və Türkiyə xarici işlər nazirinin müavini Sedat Onal ilə görüş keçirib. Görüş Astanada keçiriləcək Suriya müzakirələrinə hazırlığa aid olub.

Hikmət
Ölkə.Az