"Xəzər"in aparıcısından efirdə etiket qaydalarına zidd hərəkət

"Xəzər" televiziyasında yayımlanan "Ənənə boğçası" verilişində maraqlı anlar yaşanıb.

Ölkə.Az xəbər verir ki, proqramın aparıcısı Leyla Mustafayeva Ağstafada iştirak etdiyi bir məclisdə qonaqlar üçün hazırlanmış yemək qazanlarının ağzını açmaq istəsə də, ona icazə verilməyib. Aşpazlar özləri yeməkləri aparıcıya təqdim ediblər.

Mustafayeva kababçılardan birindən "həyat yoldaşınız üçün də bişirirsinizmi" deyə soruşub. Kababçı isə "Yox, evdə bişirmirəm, yoldaşım da buradadır, yeyəcək. Evdə ancaq qonaq gələndə kabab bişirirəm" cavabını verib. Aparıcının kababçının cavabına reaksiyası belə olub:

"Mən olsam boşayardım. Necə olur hamıya bişirirsən, mənə yox?".

Ən diqqət çəkən məqam isə xanım aparıcının etiket qaydalarına zidd olaraq, balıq kababını birbaşa şişdən yeməsi olub. Hətta kababçılar onun kababı şişdən yeyəndən sonra söylədiyi tərifə də biganə qalıblar.

İntiqam VALEHOĞLU
Ölkə.Az