ABŞ Suriya danışıqları üçün Astanaya nümayəndə göndərməkdən imtina edib

Ölkə.Az xəbər verir ki, bu barədə ABŞ Dövlət Departamentinin bəyanatında bildirilib. Bəyanatda qeyd olunur ki, Birləşmiş Ştatlar Astanada keçiriləcək görüşə ayrıca nümayəndə heyəti göndərməyəcək.

“ABŞ-ın 45-ci prezidenti Donald Trampın inaqurasiya mərasimi və Amerika hakimiyyətinin dəyişdiyi bir dövrdə Suriya danışıqlarına xüsusi şəxs göndərməyə ehtiyac yoxdur. ABI-ı Qazaxıstandakı səfiri Corc Krol təmsil edəcək”, - deyə bəyanatda bildirilib.

Qeyd edək ki, yanvarın 23-də Qazaxıstanın paytaxtı Astanada Suriya problemləri ilə bağlı Suriyadakı silahlı müxalifətin vahid nümayəndə heyəti və hökumət təmsilçilərinin iştirakı ilə danışıqlar aparılacaq. Danışıqlarda İran, Türkiyə və Rusiya nümayəndə heyətləri iştirak edəcək. Onlar artıq Astanadadırlar.

Ziya Səccad
Ölkə.az