2016-cı ildə itirdiyimiz məşhurlar
Onların arasında istedadlı adamlar, siyasətçilər, alimlər, sənət adamları və idmançılar da var idi
Ölkə.Az bu gün oxucularına 2016-cı ildə itirdiyimiz məşhurların siyahısını təqdim edəcək.
1. Devid Boui
Tarix: 08.01.1947 — 10.01.2016
Devid Britaniya pop-musiqisinin ikonu sayılır. 28-ci albomu işıq üzü gördükdən 3 gün sonra dünyasını dəyişib. Musiqiçinin 69 yaşı var idi.
2. Alan Rikman
Tarix: 21.02.1946 — 14.01.2016
Britaniyalı teatr və kino aktyoru, rejissor. "Harri Poter" filmindəki obrazı ilə milyonların sevgisini qazanıb. "Qızıl Qlobus", "Emmi" və "BAFTA" laueratı olub.
3. Natalya Kraçkovskaya
Tarix: 24.11.1938 — 03.03.2016
Rusiyanın əməkdar artisti Natalya 90 filmdə rol alıb. İkinci dərəcəli rollar ifa etsə də, tamaşaçıların qəlbində taxt qurmuşdu.
4. Prins
Tarix: 07.06.1958 — 21.04.2016
2016-cı ildə musiqiçi və bir çox mahnının müəllifi Prins vəfat etdi. "Rolling Stone" jurnalı onu ən böyük gitara ifaçılarından biri adlandırmışdı.
5. Məhəmməd Əli
Tarix: 17.01.1942 — 03.06.2016
Əfsanəvi boksçu Məhəmməd Əli də 2016-cı ildə dünyasını dəyişdi. Bir çox idman nəşri onu "əsrin idmançısı" adlandırmışdı. Boksçu karyerasını başa vurduqdan sonra Məhəmməd Əli xeyriyyəçiliklə məşğul olub.
6. Lyudmila İvanova
Tarix: 22.06.1933 – 07.10.2016
İstedadlı aktrisa və "Ekspromt" uşaq teatrının banisidir. 83 yaşında dünyasını dəyişib. Rejissor Eldar Ryazanovun "İşdə məhəbbət macəraları" filmində Şuroçka obrazı ilə məşhurdur.
7. Oleq Popov
Tarix: 31.07.1930 — 02.11.2016
Sovet İttifaqında bu klounu tanımayan və sevməyən insana rast gəlmək mümkün deyildi. Onun uşaqlığı ağır müharibə illərində keçib. 1944-cü ildə sirk texnikumuna daxil olub.
8. Vladimir Zeldin
Tarix: 10.02.1915 — 31.10.2016
Bu sahədə çalışan ən qocaman aktyordur. 102 yaşında da səhnəyə çıxan Zeldin 1945-ci ildən teatr aktyorudur. Bir sıra filmlərdə də kamera qarşısına keçib. Sonuncu dəfə Yuliy Qusmanın "Qaçmaq, çatmaq, aşiq olmaq" filmində rol alıb. Film 2015-ci ildə ekranlara çıxıb.
9. Corc Maykl
Tarix: 25.07.1963 — 25.12.2016
1984-cü ildə iki məktəblinin yazdığı duet hitə çevrildi. İki il sonra duet ayrıldı. Corc karyerasını qurdu və dünya ulduzuna çevrildi. İki dəfə "Qremmi" mükafatına layiq görülüb. 25 dekabr 2016-cı il Maklın sonuncu Milad bayramı oldu. Müğənni ürək çatışmazlığından yuxuda ikən dünyasını dəyişdi.
10. Fidel Kastro
Tarix: 13.08.1926 — 25.11.2016
Əfsanəvi inqilabçı, siyasətçi və Kuba dövlətinin başçısı 74 il ölkəni idarə edib. Onun səyləri nəticəsində ölkə kasıb da olsa, məğrur və müstəqil dövlətə çevrildi. Kastronu milyonlarla insanın taleyinə təsir edərək, XX əsrin tarixini yazan adamlardan biri adlandırmaq olar. Bir neçə yüz dəfə ona sui-qəsd təşkil edilsə də sağ qala bilib.
Hikmət
Ölkə.Az
