\"Facebook-da tanış olur və deyir məni qaçırt\"

Filmin 3 gün sonra Nizami kino mərkəzində qala gecəsi baş tutacaq. Bununla bağlı filmin prodüsseri və ssenaristi Fariz Əliyev Ölkə.Az saytına açıqlamasında bildirib ki, filmdən gözləntiləri böyükdür: ""My Name is İntiqam 1-2, Gizlənpaç, kimi filmlərin ideya müəllifi və ssenaristlərindən biri mən olmuşam. Film zamanı deyirdim ki, bəlkə, bunu belə edək, orasın belə düzəldək? Bu zaman belə cavab alırdım ki, qardaş, yazmısan vermisən, bunu belə etmək istəyirik, nə vaxt öz müəllif filmin olar o zaman edərsən. Gün gəlib çatdı və öz filmimə başladım. Bu işdə mənə "Soy prodakşn"ın, Oktay və Siyavuş müəllimin və Dilarə xanımın böyük dəstəyi oldu. Ssenarini oxudum hamısı bəyəndi. Elməddin də bəyəndi. Xoşuna gəldi. Film çox gülməli filmdir, ideya fərqlidir. Dinamik və 80 dəqiqəlik filmdir. Yol macəra filmidir. Elməddinlə Dilarə xanımın tandemi uğurlu alınıb. Eşqinlə Qızxanım "Facebook"da tanış olur və qız onu bu gecə qaçırmasını istəyir. Eşqin də öz dostundan kömək istəyir. Dostu da meyit daşıyan maşın sürür. Qızı da o maşınla qaçırırlar. Çox maraqlı filmdir. Filmi çox açmaq istəmirəm. Gəlib öz gözünüzlə görsəniz daha yaxşı olar. İnanıram ki, bəyənəcəksiniz. Bu filmdə 18+ zarafatlar yoxdur. Tam bir ailə filmidir. Çox həyəcanlıyam. İndi filmlər çoxdur. Yeni-yeni filmlər işıq üzü görür. Bu çox yaxşı haldır. Film sektoru inkişaf edir. Tamaşaçı özü doğru seçimi edəcək. Dilarə xanım çoxdandır filmlərdə rol almırdı. Qayıdış edir. Elməddinlə birlikdə rolları çox gülməlidir. Bütün filmlər rəqibdir. Hamısına hörmət edirəm. Daha bahalı filmlər sezonun sonuna qalıb. Təbii ki, onlarla çıxmaq istəməzdim. Büdcəmiz onlardan azdır. Amma buna baxmayaraq, çox gözəl iş ortaya qoymuşuq. Biz də rəqib kimi sözümüzü deyəcəyik. Sizi 27 yanvardan bütün kinoteatrlarda gözləyəcəyik. Gəlin baxın zövq alın". 

Filmin informasiya dəstəyi Ölkə.Az saytına məxsusdur.