Astan Şahverdiyev: “Prezidentin Cocuq Mərcanlı ilə bağlı sərəncamı “Böyük qayıdış” proqramının ilk müjdəsidir”
Milli Məclisin 120 saylı Cəbrayıl-Qubadlı seçki dairəsindən seçilmiş deputatı Astan Şahverdiyev ötən gün Prezident İlham Əliyevin “İşğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında” sərəncamı ilə bağlı fikirlərini açıqlayıb
A.Şahverdiyev Ölkə.Az-a açıqlamasında deyib ki, sözügedən sərəncamın çox böyük əhəmiyyəti var:
“Bu sərəncam işğal edilmiş torpaqlarımız azad edildikdən sonra ora geri qayıtmağı nəzərdə tutan “Böyük qayıdış” proqramının ilk müjdəsidir. Hazırda bu proses cənab Prezident İlham Əliyevin rəhbərliyi altında uğurla davam edir”.
A.Şahverdiyev yaxın günlərdə Cocuq Mərcanlı kəndinə gedəcəyini də söyləyib:
“Mən bu yaxınlarda bir dəfə orada olmuşam, yaxın günlərdə yenidən həmin ərazilərə baş çəkəcəm”.
Deputat əlavə edib ki, əgər ermənilər Dağlıq Qarabağ münaqişəsinin sülh yolu ilə həllində razılığa gəlməsə, o zaman Azərbaycanın Ali Baş Komandanı digər üsullarla torpaqları işğaldan azad edəcək.
Ramal Hüseynli
Ölkə.Az
