“Azərbaycan ruslardan ermənilərə təzyiqi artırmağı tələb edə bilər”

Tanınmış siyasətçi Arzu Nağıyev Ölkə.Az-a açıqlamasında bildirib ki, bu görüş lazımlı idi. Onun fikrincə, S.Lavrovun bir neçə gün əvvəlki bəyanatından sonra bu görüşdə qaranlıq məqamlara aydınlıq gələ bilər.

“Rusiya ATƏT-in Mins qrupunun həmsədirlərindən biridir. S.Lavrov da Rusiyanın rəsmi şəxsidir. ATƏT-in Misnk qrupunun həmsədirləri ilk növbədə proseslər haqqında xarici işlər nazirinə məruzə edir. O da dövlət rəhbərinə məruzə edərək fkirini bildirir. Azərbaycan tərəfi münaqişənin həll olunmasında maraqlı olduğu, daha doğrusu ərazi bütövlüyünün erməni işğalından azad olunmasını istədiyi üçün apardığı mübarizədə, danışıqlarda birbaşa xarici işlər naziri Məmmədyarov iştirak edib. Məhz buna görə də, Lavrovla Məmmədyarovun görüşü mütəmadi olaraq keçirilir. Bu görüşdə əsas məsələ Dağlıq Qarabağ münaqişəsinin həlli idi. Digər tərəfdən məlumdur ki, Lavrovun bildirdiyi fikir məhz Rusiyanın mövqeyidir. Bu mövqe ilə razılaşmamaq da olar. Lavrovun bir neçə gün əvvəlki məlum bəyanatından sonra Məmmədyarov açıq şəkildə Azərbaycanın mövqeyini ortaya qoymuşdu. BTM-nin qətnamələrinin həlli, ATƏT-in Minsk qrupunun həmsədirlərinn qəbul etdiyi qərarlar və digər məsələlər barədə fikir bildirmişdi. Bu görüşdə bu baxımdan lazımlı idi”, - deyə A.Nağıyev bildirib.

Ekspertin fikrincə, nazirlərin görüşü problemin həllində mühüm rol oynamasa belə, ermənilərə təzyiq etməyə kömək edə bilər: 

“İki ölkənin xarici işlər naziri Dağlıq Qarabağ münaqişəsinin həlli ilə bağlı yetkin nəticəyə gələ bilməzlər. Çünki bunun həlli BMT, ATƏT səviyyəsindədir. Sadəcə Ermənistan Rusiyanın oyunçağı olduğu üçün Azərbaycan ruslardan ermənilərə təzyiqi artırmağı tələb edə bilər”. 

Ziya Səccad
Ölkə.az