Özünü öldürən psixoloqun son məktubu tapıldı

Ailə üzvlərinin Lent.az-a verdiyi məlumata görə, psixoloqun cəsədini onun yaşadığı evdə anası aşkarlayıb.

Belə ki, oğlu davamlı telefon zənglərinə cavab vermədiyindən qonşuluqda yaşayan anası onun evinə gəlib. O, digər ailə üzvlərinin köməyi ilə qapını qıraraq evə girib və oğlunun cəsədini aşkarlayıb. D. Rzayev özünü kəmərlə boğaraq intihar edib.  

D. Rzayev intihardan öncə məktub yazıb. O, məktubunda intiharında heç kimin günahı olmadığını, bunun “özünün şəxsi qərarı olduğunu” qeyd edib. 

Hadisə yerinə Yasamal rayon polis idarəsinin və prokurorluq orqanlarının əməkdaşları gəlib.

Onlar D. Rzayevin telefonlarını və son məktubu da araşdırma üçün götürüblər.

Qeyd edək ki, psixoloq bir müddət öncə həyat yoldaşından ayrılıb. Onun iki azyaşlı övladı qalıb. 

***

Psixoloq Dəyanət Rzayev intihar edib.

Ölkə.Az xəbər verir ki, Lent.az-ın  məlumatına görə, o, bir neçə saat öncə özünü yaşadığı evdə kəmərlə boğub. Yaxınlarının bildirdiyinə görə, psixoloq xeyli müddət depressiyada olub. O, son bir neçə günü də evində tək keçirib. İş yoldaşlarına xəstə olduğunu, işə gələ bilməyəcəyini bildirib. Bu gün axşam saatlarında isə özünü yaşadığı evdə kəmərlə boğub. 

Faktı  Məhkəmə Tibbi Ekspertiza və Patoloji Anatomiya Birliyinin Yasamal rayon şöbəsindən lent.az-a təsdiqləyiblər.  Şöbədən bildirilib ki, D. Rzayevin cəsədi az əvvəl ora gətirilib.