Diktatorun yeni müasir kölələri

Futbol üzrə 2022-ci Dünya Çempionatına ev sahibliyi edəcək Qatarın "müasir köləlik" üçün Şimali Koreya ilə razılaşdığı məlum olub. 

Qatara işə göndərilən işçilərin maaşları birbaşa Şimali Koreya dövlətinə ödəniləcək.

"The Guardian" qəzetinin verdiyi xəbərdə deyilir ki, dünya çempionatınжn keçirilməsinə 62 milyard dollar ayıran Qatarda 1,2 milyondan çox immiqrant işçi çalışır.

Hazırda Şimali Koreyadan 3 min işçi Qatarda inşaat işlərində çalışır. 

Şimali Koreya işləmək üçün Qatara göndərdiyi işçilərin fərarilik etməsini ya da mühacirət etmələrini önləmək üçün də rəsmi Doha ilə xüsusi bir müqavilə bağlayıb. Bu müqaviləyə görə, işçilərin maaşları Şimali Koreyaya ödənilməlidir. 

İngilis qəzeti iddia edir ki, işçilərin maaşının 90 faizi dövlətə çatır. Qatarda koreyalı işçilərə ancaq cib xərcliyi verilir. Onlar da siqaret və daha sadə gündəlik ehtiyacları üçün borc məcburiyyətində qaldığı bildirilir.

Hindistan, Nepal və Şri-Lanka kimi ölkələrdən gələn işçilər iş saatları bitdiyində istirahət üçün tikinti sahəsindən ayrılarkən, Şimali Koreyalı işçilərin gecə yarısına qədər işlədiyi də yayılan məдumatlar sırasındadır. 

Nüvə proqramı səbəbiylə Qərb ölkələrinin sanksiyaları ilə üz-üzə qalan Şimali Koreya rəhbərliyi valyuta ehtiyacını Qatar kimi ölkələrə göndərdiyi "müasir kölə"lər vasitəsilə qarşılayır. Kim Сen In rəhbərliyinin 65 min nəfərə xaricdə işləmək icazəsi verdiyi bildirilir. (anspress)

Ölkə.Az