Suriyada nələr baş verir?

Siyasi ekspertlər isə hesab edirlər ki, bu addım Suriyada müxalifətin hakim qüvvəyə qarşı qalib gəlmək istəyindən irəli gəlir. Politoloq Elxan Şahinoğlu Ölkə.Az-a açıqlamasında bildirib ki, məhz bu səbəbdən də, Suriyada müxalif qüvvələri birləşmək istəyirlər.

“Suriya ərazisində 2 müharibə gedir. Birinci müharibə terrorçulara qarşıdır. Bu müharibədə hamı iştirka edir. Silahlı müxalifət, hakim qüvvələri, Türkiyə, İran, Rusiya və digər güc dövlətləri. İkinci savaş isə vətəndaş müharibəsidir. Bu hakim rejimlə silahlı müxalifət arasındadır. Silahlı müxalifət qüvvələrinin də 40-60 min döyüşçüləri var. İndi onlar da birləşməyə qərar veriblərsə, görünür onların ortaq birliyə ehtiyacları var. Onlar istəyirlər ki, hakim rejimlə danışıqlarda böyük gücə sahib olsunlar”,  - deyə Elxan Şahinoğlu bildirib.
 
Ziya Səccad
Ölkə.az