\"Yoxlama\" verilişindən sonra ölən direktorla bağlı

Ölkə.Az-ın sorğusuna verilmiş cavabı təqdim edirik:

"ATV gün ərzində 50-60 insanı çəkir. 20-25 gün əvvəl verdiyimiz suala görə bizi ittiham edirsiniz. Əgər indi sizin bu sualınıza görə bizə bir şey olsa, cavabdeh sizsiniz? Xətai rayonu 171 saylı orta məktəbin direktoru Telman Qardaşovun ölüm xəbəri bizi dərindən kədərləndirdi. Hər insanın ölümü kimi bu ölüm hadisəsi də məyusedicidir. Səmimi qəlbdən Qardaşovun ailəsinə və yaxınlarına başsağlığı və səbr diləyirik.

Ünvanımıza yönəldilən ittihamı isə kökündən qərəzli və absurd hesab edir, mərhumun oğlunun kədərini nəzərə alıb, səbrlə qarşılayırıq. 

Bəli, 05.01 2017 ci il tarixda sözügedən məktəbdə çəkiliş aparmışıq və 11.01.2017-ci il  tarixdə o veeriliş efirdə yayımlanıb. Hər şey ictimaiyyətin gözü qarşısında baş verib. Verilişin efir gününə qədər ünvanımıza yönəldilən şər və böhtanlar da, yalanlar da. Veriliş efirə getdikdən sonra isə bütün həqiqətlər ortaya çıxdı. Biz öz işimizi görmüşşük. Nə Təhsil Nazirliyindən, nə də Bakı Şəhər Təhsil İdarəsindən, digər qurumlardan ünvanımıza irad bildirilməyib  MTRŞ isə açıqlamasında verilişdə heç bir qanunauyğunsuzluğun olmadıığını bildirib. Məlum verilişin çəkilişindən və efir günündən bu qədər vaxt keçdikdən sonra belə bir üzücü hadisənin baş verməsini kanalımızla əlaqələndirmək məntiqi yanaşmalara ziddir. İctimaiyyətə bəyan edirik ki, bu cür söz-söhbətin, dedi-qodunun tərəfi deyilik və qətiyyən olmaq istəmirik".

Xatırladaq ki, "Yoxlama" verilişi bir neçə gün əvvəl Xətai rayonu Zaur Məmmədov adına 171 saylı məktəbdə çəkiliş aparıb. Məhz çəkilişdən sonra halı pisləşən direktor Telman Qardaşov vəfat edib.

İntiqam VALEHOĞLU
Ölkə.Az