"Sovetski"dəki yanğın söndürüldü: ölən və xəsarət alanlar var

Bakının "Sovetski" adlanan ərazisində, Murtuza Muxtarov və Həzi Aslanov küçələrinin kəsişməsində yaşayış binasında baş vermiş yanğın söndürülüb.

Trend-in məlumatına görə, ətraf yollar bağlanıb.

***

Bakının "Sovetski" adlanan ərazisində yaşayış binasında güclü yanğın baş verib.

Trend-in məlumatına görə, hadisə nəticəsində bir nəfər ölüb, bir nəfər tüstüdən zəhərlənib, daha bir bina sakini isə əlindən xəsarət alıb.

Yanğının söndürülməsi işləri davam etdirilir.

***

APA-nın hadisə yerində olan əməkdaşının verdiyi məlumata görə, yanğın hadisəsi Yasamal rayonu, Həzi Aslanov küçəsində yerləşən üçmərtəbəli yaşayış binasında qeydə alınıb.
 
Yanğın binadakı mənzillərdən ikisini əhatə edib. Hadisə yerində olan təcilli tibbi yardım briqadasının həkimləri tüstüdən zəhərlənən qadına ilkin tibbi yardım göstəriblər. Qadının vəziyyəti sabitləşib.
 
Yanğının söndürülməsi istiqamətində tədbirlər davam etdirilir.

***

Bu dəqiqələrdə Bakının "Sovetski" adlanan ərazisində yanğın baş verir

Ölkə.Az-a göndərilən fotolarda yanğının artıq bir neçə dəqiqədir başladığı görünür.

Əldə etdiyimiz məlumata görə, yanğın Zərgərpalan adlanan küçədə baş verməkdədir.

Yanğının hansı səbəbdən baş verməsini öyrənməyə çalışırıq.

Ölkə.Az