Misirdə İŞİD-lə qanlı döyüş davam edir

Ölkə.Az xəbər verir ki, Sinaidə keçirilən əməliyyat zamanı Misir ordusu itki ilə üzləşib. Mehr agentliyinin verdiyi məlumata görə, bu barədə Misir ordusunun bəyanatında deyilir. Bəyanatda vurğulanır ki, əməliyyat istiqamətlərinin birində bomba partlaması nəticəsində ordunun 4 hərbçisi ölüb. Ölənlərdən ikisinin yüksək rütbəli zabit olduğu qeyd olunub.

Əməliyyat zamanı onlar terrorçuların qurduğu tələyə düşüblər. Nəticədə partlayış baş verib. Ölən əsgərlərlə yanaşı iki hərbçi də yaralanıb.

Həmçinin bəyanatda qeyd olunur ki, bu gün keçirilənə əmliyyatda terrorçuların 20 silahlısı məhv edilib, 7 nəfər isə yaralanıb. Bundan başqa, keçirilən əməliyyat zamanı 36 terrorçu tutulub. Əməliyyat çərçivəsində terrorçuların gizləndiyi ərazilər də dağıdılıb. Onların çoxlu sayda silah və texnikası müsadirə olunub.

Qeyd edək ki, Misirdə İŞİD-ə qarşı əməliyyatlar ötən həftədən başlayıb. Yanvarın 27-də keçirilən əməliyyat nəticəsində terrorçulardan 15-i məhv edilib, 60-dan çoxu isə yaralı halda ələ keçib. Yanvarın 28-də keçirilən əməliyyat zamanı isə terrorçulardan 5-i öldürülüb. Terrorçu qruplaşmanın mövqeyinə qarşı hücumlar və onların təqibi ardıcıl olaraq davam edir.

Ziya Səccad
Ölkə.az