İran vətəndaşlarına Amerikaya bilet satmaq qadağan edildi
Xarici aviaşirkətlərin kassalarında İran vətəndaşlarına Amerikaya bilet satmaqdan imtina edirlər.
Ölkə.Az xəbər verir ki, bu barədə Daily Mail məlumat yayıb. Verilən məlumata görə, beynəlxalq şirkətlər şənbə günündən etibarən İran vətəndaşlarına bilet satmaqdan imtina ediblər.
Bildirilir ki, bu addım Amerikanın İran da daxil olmaqla 7 müsəlman ölkəsinə vətəndaşlarına Amerika vizasının verilməsinin dayandırılması ilə bağlı verilən qərardan sonra atılıb.
Qeyd edək ki, ABŞ prezidenti Donald Tramp yanvarın 27-də fərman imzalayaraq, İran da daxil olmaqla 7 müsəlman ölkəsinin bütün vətəndaşlarına Amerikaya girişi qadağan edən göstəriş verib. Vaşinqtondan bildirilib ki, yaxın günlərdə bu barədə yeni sərəncam veriləcəyi gözlənilir.
Ziya Səccad
Ölkə.az
