Erməni rəqibi 15 yaşlı Nəzrinin qarşısından qaçıb

Ölkə.Az-ın xəbərinə görə, bu barədə Modern.az “Şimal xəbərləri”nə istinadən məlumat verir. 

Məlumata əsasən, bu dəqiqələrdə Gürcüstanın paytaxtında K-1, Tay Boksinq və Kiqboksinq üzrə beynəlxalq turnir davam edir. 

Azərbaycan yığmasının tərkibində Xaçmaz Azad Kiqboksinq klubunun üzvü, “Qəzəbli mələk” ləqəbli 15 yaşlı Nəzrin Əskərova da iştirak edir. Onun erməni rəqibi Anoska Akokulyan “Qəzəbli mələk”lə qarşılaşmaqdan imtina edərək özünü rüsvay edib. Nəticədə Nəzrin Əskərova gürcüstanlı kiqboksçu ilə qarşılaşmalı olub.

“Qəzəbli mələk” rəqibini böyük üstünlüklə məğlub edərək birincilik qazanıb və öz çəki dərəcəsində çempion olub.