İki böyük dünya şirkəti Trampın qərarına etiraz etdi
Ölkə.Az xəbər verir ki, buna səbəb Trampın miqrantlara qarşı imzaladığı sərəncam olub.
Qərardan sonra şirkətlər fəaliyyət göstərdikləri 75 ölkədə 5 il ərzində 10 min miqrantı işə götürəcəklərini bildiriblər.
"Starbucks" şirkətinin rəhbəri Hovard Şultz şirkət işçilərinə bu məzmunda məktub göndərib. Məktubda Şultz müharibə, şiddət, zülm və ayrı-seçkilikdən əziyyət çəkənləri işə götürmə cəhdlərini iki dəfə artıracaqlarını bildirib:
"Önümüzdəki 5 il ərzində dünyada fəaliyyət göstərən şirkətlərimizdə 10 min miqranta iş verəcəyik". Şultz eyni zamanda Meksikaya sərmayə qoymağa davam edəcəklərini də vurğulayıb.
"AirBnb" şirkətinin rəhbəri Brayan Çeski isə bildirib ki, Trampın qərarından əziyyət çəkənlərə qalmaq üçün pulsuz ev verəcəklər:
"3 milyondan çox evimiz var. Qərardan əziyyət çəkənlərə yer taparıq".
Brayan ölkəyə giriş qadağasından əziyyət çəkənləri ona elektron məktub göndərməyi tövsiyə edib.
Hikmət
Ölkə.Az
