Donald Trampa qarşı ilk rəsmi sərt reaksiya İsveçdən gəldi

ABŞ prezidenti Donald Tramp miqrantların ölkəyə girişini qadağan edən qərarnaməni imzaladıqdan sonra sərt reaksiyalarla qarşılaşıb

Ölkə.Az xəbər verir ki, bir çox Avropa dövləti yeni qərarı qınayan mesajlar yayımlayıb. İsveç isə ABŞ-da fəaliyyət göstərən müvəqqəti işlər üzrə vəkilini geri çağırıb.

BMT-nin Qaçqınlar üzrə komissarlığı və BMT-nin Beynəlxalq Miqrasiya Təşkilatı Trampın yeni qərarnaməsinə qarşı müştərək yazılı açıqlama yayımlayıb.

İsveçin xarici işlər naziri Marqor Vollström ABŞ müvəqqəti işlər üzrə vəkillərini geri çağırıb və açıqlama verib: "İndi bütün dünya dövlətləri reaksiya göstərməli və birlikdə hərəkət etməlidir. Sığınma haqqını qorumaq məcburiyyətindəyik. ABŞ-ı hər zaman insanların din, irq, dərisinin rənginə görə fərq qoymayan ölkə görmüşük. Amma indi ABŞ özünə qapanan bir ölkəyə çevrilir. ABŞ milliyətçi və mühafizəkar dövlətə çevrilir. Bu digər dövlətlər üçün təşviş yaradan bir vəziyyətdir".

Almaniya da Trampın qərarına reaksiya verib. Angela Merkel Trampla telefon danışığında bu məsələyə toxunub.

İsveçrə hökuməti isə ABŞ-ın bu qərarının dini ayrı-seçkiliyə səbəb olduğunu bildirib.

Hikmət
Ölkə.Az