Yaşlılara gələcəkdə robotlar xidmət edəcək
Qərbin elm dairələri yeni layihə üzərində çalışır
Ölkə.Az xəbər verir ki, beynəlxalq ekspertlərdən ibarət bir qrup yaşlı insanlara xidmət göstərəcək robotların istehsalı ilə məşğuldur.
Robotlar yaşlılara dərmanları vaxtlı-vaxtında qəbul etmək, günlük işlərdə kömək etmək və dostluq etmək kimi xüsusiyyətlərə sahib olacaqlar. Ekspertlərin fikrinə görə, nəzərdə tutulan robotlar qocalar evi və xəstəxanalarda yaşlı insanların köməyinə çatacaq.
Layihə üzərində "Middlesex" və "Bedfordshire" universitetlərinin alimləri işləyir. Nəzərdə tutulan qoca və ya xəstəyə qulluq göstərən robot əvvəlcədən proqramlaşdırıla bilər.
Bu tip robotlar 3 il ərzində istehsal ediləcək. Layihəni Avropa İttifaqı və Yaponiya hökuməti maliyyələşdirir.
Hikmət
Ölkə.Az
