İŞİD-in baş cəlladı öldürüldü

Ölkə.Az xəbər verir ki, Əbu Səyyaf adlı baş cəllad naməlum şəxslər tərəfindən məhv edilib. Məlumatda bildirilir ki, onun bıçaqlanmış cəsədi ötən gün Mosul yaxınlığında tapılıb.

Əbu Səyyafı yanvarın 29-da  bir qrup şəxs Mosulun qərbində Əl-Davas rayonunda mühasirəyə alıblar. İlk öncə baş cəlladı ölümcül döyüblər. Daha sonra boynuna və bədəninə çoxsaylı bıçaq zərbələri endiriblər. 

Qeyd olunur ki, Əbu Səyyaf İŞİD-in Naynava vilayətinin rəhbəri olub. O, 100-dən çox insanın başını kəsib. Öz qurbanlarının başlarından kolleksiya düzəldən Əbu Səyyafı İŞİD-in təbliğat xarakterli videolarında da bir neçə dəfə çəkilib.

Xatırladaq ki, mosulda terrorçulara qarşı əməliyyatlar davam edir. İraq Ordusunun keçirdiyi əməliyyata bir çox silahlı dəstələr də yardım edir. Bundan əlavə, İŞİD-in məntəqələri Beynəlxalq koalisiya qüvvələri və ABŞ qırıcıları tərəfindən bombardıman edilir. Son dəfə yanvarın 18-də bombardımandan sonra Mosulun bir hissəsi terrorçulardan təmizlənib.

Ziya Səccad
Ölkə.az