“Meksika ABŞ-dan heç nə gözləməməlidir”

“Amerika çox varlı bir dövlətdir. Xarici dövlətlər və elə amerikalıların özləri də ABŞ-ın humanist dövlət olduğunu fikirləşirlər. Yəni ki, Amerikadan nəsə aparmaq olar. Bu fikirlər insanlarda adiləşib. Məsələn Amerika NATO-ya lazım olandan da artıq pul köçürə bilər, lakin digər ölkələr xərc verməsə də olar. Onların yerinə Amerika ödəyə bilər. Eləcə də, Meksika öz iqtisadiyyatını, ticarətini Amerikanın varı-dövləti hesabına qurub”, - deyə İlqar Altay bildirib.

İlqar Altay deyir ki, Kanada ilə müqayisədə Meksika xeyli dərəcədə iqtisadi baxımdan zəifdir:

“Təsəvvür edin ki, bu mübadilədə həmişə Meksika xeyir götürüb. Amerika da buna göz yumub. ABŞ-a təxminən 11 milyona yaxın qaçqın gəlib. Onlar qeyri-rəsmi formada ortalıqda gəzirlər. Dövləti möhkəmlətmək. amerikalılaırn marağını qorumaq istəyən rəhbər üçün bu addımı atmaq normaldır. O məcburdur ki, qaçqınları geri qaytarsın. Məcbur edir ki, sərhəddə divar çəksin. Bu maraqlar məcbur edir ki, sərt qanunlar qoysun. Bu addım həmişə yumuşaq münasibət göstərən Amerika üçün sərt görünür”.

Ekspertin fikrincə, Tramp bu addımla düzgün mövqe seçib. O, bunu Amerikanın özünü müdafiə cəhdi adlandırır.

Ziya Səccad
Ölkə.az