İrandan ABŞ-a əzələ nümayişi

Ölkə.Az xəbər verir ki, bu barədə məlumatı Ağ Evdən veriblər. Ağ Evin mətbuat katibi Şon Spayser İranın ballistik raket sınağı həyata keçirdiyini və bu məsələni incələdiklərini bildirib.

Pentaqon isə raketin atmosferə təkrar girmədən partladığını və sınağın uğursuz olduğunu açıqlayıb.

ABŞ müdafiə nazirliyinin rəsmisi bildirib ki, iran ötən həftənin bazar günü orta mənzilli raket sınaqdan keçirib. Amma bu sınaq uğursuz nəticələnib. Rəsmi deyib: "Sınağın yeri barədə bir şey deyə bilməyəcəm. Amma raket göndərildikdən sonra atmosferə girmədən partladığı üçün sınağın uğursuz olduğunu deyə bilərəm".

Pentaqonun mətbuat katibi Devis isə bildirib: "İranın bölgədəki hərbi fəaliyyətlərini yaxından izləyirik. İranın belə bir sınağı BMT-nin təhlükəsizlik şurasının qərarlarını pozmaq mənasına gəlir. Bu məsələdə beynəlxalq müttəfiqlərimizlə çalışmalara davam edəcəyik".

Hikmət
Ölkə.Az