“Xocalı soyqırımı erməni vəhşiliyinin bariz nümunəsidir”
Ölkə.Az xəbər verir ki, bu sözləri Azərbaycan Kikboksinq Federasiyasının prezidenti, millət vəkili Adil Əliyev Xocalı sakinləri, şəhid və milli qəhrəman ailələri ilə görüşündə bildirib.
“Xocalı soyqırımı erməni vəhşiliyinin bariz nümunəsidir. O zaman Ermənistan rəhbərliyi Azərbaycanda yaranan hərbi-siyasi boşluqdan istifadə edib, Xocalı soyqırımını törətdilər.
Artıq Ermənistan hakimiyyəti yaxşı dərk edir ki, bölgədə cərəyan edən hadisələr onların xeyrinə deyil. Ermənistan əhalisi hər an müharibənin başlanmasından bərk narahatdır. Bugünkü Azərbaycan 90-ci illərin əvvəllərindəki Azərbaycan deyil. Aprel hadisələri zamanı yüzlərlə erməni əsgər və zabiti məhv edildi. Xunta rejimi Xocalıda etdikləri soyqırım siyasətinə görə, beynəlxalq ictimaiyyət qarşısında cavab verməlidir. İnanırıq ki, haqq və ədalət öz yerini tutacaq”.
Millət vəkili prezident İlham Əliyev tərəfindən Cocuq Mərcanlı kəndinin bərpası ilə bağlı qərarı Ermənistan cəmiyyətində böyük xof yaratdığını söylədi.
“İnsanlarımızın Cocuq Mərcanlıya qayıtması cəmiyyətdə böyük ruh yüksəkliyi yaradıb. Bu addımı Qarabağa qayıdışın bir başlanığıcı adlandırmaq olar”,-deyə A. Əliyev vurğulayıb.
