Fransa parlamentinə basqın edildi
Fransada prezidentliyə namizəd Fransua Fillon ilə bağlı qalmaqal davam edir
Ölkə.Az xəbər verir ki, namizədin həyat yoldaşının saxta yollarla dövlətdən 500 min avro maaş aldığı iddiası ilə başlayan istintaq çərçivəsində parlamentə basqın edilib.
Parlamentə edilən basqın vaxtı axtarış aparılıb. Verilən xəbərə görə, basqın Fillonun ofisinə yox parlamentin inzibati ofislərində aparılıb.
Qeyd edək ki, ötən həftə prezidentliyə namizəd Fransua Fillonun həyat yoldaşı Penelopa Fillonun saxta sənədlərlə dövlətdən maaş aldığı iddia edilmişdi. İddiaya əsasən, Penelopa ərinin və başqa bir deputatın müşaviri kimi hökumətdən 500 min avro maaş alsa da, bu işi həyata keçirdiyinə aid heç bir sübut tapılmayıb.
İstintaq davam edir.
Hikmət
Ölkə.Az
