Türkiyədə həbs dalğası davam edir

Ölkə.Az xəbər verir ki, Türkiyənin Malatya şəhərində keçirilən əməliyyat zamanı FETÖ terror təşkilatı ilə əlaqəli 17 müəllim saxlanılıb. Saxlanılan şəxslər şəhərin müxtəlif ərazilərindəki məktəblərdə müəllimlik edirmişlər.

Digər əməliyyat Türkiyənin Van vilayətində keçirilib. Türkiyə kəşfiyyat Təşkilatı və Van şəhər Polis İdarəsinin keçirdiyi əməliyyat zamanı barələrində həbs əmri verilən 24 nəfərin 15-i saxlanılıb. Saxlanılanların bəziləri polisə müqavimət göstərib. Nəticədə silahl insident baş verib.

Saxlanılan şəxslərin evləri, iş yerləri və olduqları ərazilər axtarılıb. Axtarışlar zamanı 150 tapança, 7 ov tüfəngi, 150 ov tüfənginin güllələri, külli miqdarda pul və digər sursat tapılıb.

Türkiyənin Muş vilayətində də əməliyyat aparılıb. Əməliyyat zamanı sosial şəbəkələrdə terror təşkilatlarının təbliğatı ilə məşğul olan 24 nəfər saxlanılıb. Saxlanılan şəxslər "PKK/KCK teror təşkilatlarının üzvləri və onlarla əlaqəli şəxslərdir. Bundan başqa, terrorla əlaqəli olan 23 nəfərin də kimliyi və yerləri müəyyən edilib.

Türkiyə polisi digər əməliyyatı Türkiyənin Düzcə bölgəsində keçirib. Burada FETÖ terror təşkilatı ilə əlaqəli olan 12 nəfər saxlanılıb. 

Saxlanılanlardan 4-ü məhkəməyə verilib. Məhkəməyə verilənlərdən biri əsgər, 1 din nümayəndəsi, 2 nəfər isə terrorla birbaşa bağlı şəxs olub. Digərləri barədə isə araşdırmalar davam edir.

Ziya Səccad
Ölkə.az