Konqoda hərbi helikopter qəzaya düşdü

Ölkə.Az xəbər verir ki, bu barədə Konqo ordusunun generalı Leon Muşale bildirib.  Onun sözlərinə görə, helikopterlərin qəzaya uğraması nəticəsində iki rusiyalı pilot ölüb, daha üçü isə yaralanıb. 

“Bu gün “Mİ-24” tipli iki helikopter əlverişsiz hava şəraiti səbəbindən ölkənin dağlıq ərazisində qəzaya uğrayıb. Axtarış-xilasetmə tədbirləri nəticəsində hadisə yerində 3 cəsəd aşkarlanıb. Meyitlərdən biri yerli zabitin, digəriisə rusiyalı pilotundur. Hadisə yerində daha 5 yaralı ekipaj üzvü aşkarlanıb. Xəstəxanaya yerləşdirilən yaralılardan üçün rusiyalı hərbçidir. Daha bir rusiyalı pilot “M23” hərbiləşdirilmiş üsyançı qruplaşmanın üzvləri tərəfindən girov götürülüb”, - deyə Leon Muşale bildirib. 

Qeyd edək ki, Konqo hökuməti ilə anti-hökumət silahlıları arasında silahlı mübarizə 2004-cü ildən başlanılıb. Dəfələrlə silahlılarla hökumət qüvvələri arasında toqquşmalar olub. Hökumət ordusu silahlı qruplaşmaların qarşısında aciz qaldığı üçün Rusiya hökumətindən hərbi yardım istəyib. Bu səbəbdən də, Rusiya Hərbi Qüvvələri bir neçə aydır ki, ərazidə əməliyyatlar keçirir.

Ziya Səccad
Ölkə.Az