San-Fransiskonun baş prokuroru Trampı məhkəməyə verdi

Ölkə.Az xəbər verir ki, şəhərin baş prokuroru Trampı məhkəməyə verib. O, məhkəmə qarşısında iddia qaldırıb ki, Tramp ABŞ konstitutsiyasını pozur. Prokuroru hiddətləndirən Trampın miqrantları Amerikaya buraxmamasıdır.

Bu qanundan sonra ABŞ-da prezidentə qarşı çıxan ilk rəsmi şəxs olan baş prokuror artıq rəsmi olaraq məhkəməyə şikayət ərizəsi də təqdim edib.

Qeyd edək ki, D.Tramp ötən həftə ABŞ-ın sərhədlərinin gücləndirilməsilə bağlı yeni fərman imzalayıb. Bu fərmana görə, bundan sonra ABŞ-a gələn qeyri-leqal miqrantlar ölkəyə buraxılmayacaq.

Məsələyə aydınlıq gətirən Ağ Evin nümayəndəsi Şon Spayser bildirib ki, bu qanundan sonra ABŞ-da kriminal vəziyyət sabitləşəcək. Ölkə iqtisadiyyatında sabitlik yaranacaq. Amerika hökuməti artıq xərclərdən xilas olacaq.

Ziya Səccad
Ölkə.az