Pirşağıda məcburi köçkünlərlə "Azərişıq" işçiləri arasında dava
Pirşağı qəsəbəsində yerləşən "Qızılqum" məcburi köçkün düşərgəsində sakinlərlə "Azərişıq" işçiləri arasında dava düşüb.
Ölkə.Az-ın məlumatına görə, bu barədə sosial şəbəkədə həmin ərazidə yaşayan psixoloq Ramil Nəcəfli məlumat verib.
"Azərişıq"ın yüzə yaxın əməkdaşı bura gəliblər ki, "Qızılqum" və "Gilavar" sanatoriyasında məskunlaşmış məcburi köçkünlərin işığına sayğac qoysunlar. Sayğac qoyulmağa başlanılsa, işıqlar müvəqqəti də olsa, kəsilməlidir.
İşıqlar da sönsə, əhali soyuqdan donacaq. Çünki bu binalarda yeganə istilik vasitəsi işıqdır. Rəhbər işçilərdən hələ ki heç kim gəlməyib".
Məsələylə bağlı "Azərişıq"ın da mövqeyini öyrənməyə çalışırıq.
İntiqam VALEHOĞLU
Ölkə.Az
