Əflatun Amaşov: "Domen alıb sayt açan istədiyini yazır"
Milli Məclisin bu gün keçirilən iclasında Mətbuat Şurasının sədri, millət vəkili Əflatun Amaşov internet medianın statusunun müəyyənləşdirilməsi məsələsini qaldırıb.
Ölkə.Az saytı xəbər verir ki, Ə.Amaşov internetdən domen və hostinq alan insanların bəzilərinin orada istədiyini yazdığını bildirib:
“Əlbəttə, onlar söz azadlığı çərçivəsini gərək aşmasınlar. Buna görə də, internet medianın hüquqi statusunu müəyyənləşdirməyi təklif edirəm. Bununla yanaşı, onlayn mediaya dövlət tərəfindən maliyyə ayrılsa, yaxşı olar”, - deyə deputat bildirib.
Xatırladaq ki, Əflatun Amaşov 2017-ci ilin dövlət büdcəsi müzakirələri vaxtı da onlayn mediaya maliyyə yardımı məsələsini gündəmə gətirmişdi.
Ölkə.Az
