Vaqif Aydınoğlu: "Mətbuat xidmətinin rəhbəri vəzifəsini icra etməyəcəm"

ATV-nin Xəbərlər xidmətinin baş redaktoru Vaqif Aydınoğlu son günlər haqqında yazılanlara aydınlıq gətirib

"Ölkə.Az"-ın məlumatına görə, baş redaktor bu barədə sosial şəbəkədə yazıb:

"Çox hörmətli jurnalist həmkarlarım, dünəndən bəri mənə ünvanladığınız çoxsaylı suallarınıza qısaca açıqlama vermək məcburiyyətində qaldım. Mən öz işimin başındayam. İndiyədək olduğu kimi hazırda da ATV-nin İctimai-siyasi verilişlər Departamentinin rəhbəri, Xəbərlər xidmətinin Baş redaktoru və "HəftəSonu" analitik informasiya proqramının müəllifi və aparıcısı olaraq vəzifəmi icra edirəm. Sadəcə olaraq, bundan sonra ATV-nin mətbuat xidmətinin rəhbəri vəzifəsini icra etməyəcəm. Bu iş kanalımızda yeni yaradılan (İctimai-siyasi məsələlər və İctimaiyyətlə əlaqələr) departamentinin yeni təyin olunan rəhbəri Turan İbrahimova həvalə olunub. Çox xahiş edirəm bundan sonra ATV ilə bağlı suallarınızı mənə yox, Turan bəyə ünvanlayasınız".

Xatırladaq ki, Turan İbrahimovun sözügedən vəzifəyə təyinatından sonra V.Aydınoğlunun ATV-dən getməsiylə bağlı xəbərlər yayılmışdı.

İntiqam VALEHOĞLU
Ölkə.Az