Avropa ilə Türkiyə arasındakı buzlar Merkelin səfərilə əriyəcək?
Bu barədə politoloq İlqar Altay Ölkə.Az-a açıqlamasında bildirib. Onun fikrincə, hazırda Avropa ilə Türkiyə arasında soyuqluq yaranıb.
“Bir tərəfdən belə bir inciklik var. Avropa ilə Türkiyə arasında qaçqın problemləri var. Qaçqınların taleyi həll edilməlidir. Razılıq olunmuşdu ki, Avropa tərəfindən Türkiyəyə qaçqınların ehtiyaclarını ödəmək üçün müəyyən qədər maddi yardım ediləcəkdi. Sonradan buna da əməl olunmadı. Türkiyənin Rusiya ilə yaxınlaşması və Suriya məsələsində tamamilə fərqli mövqe tutması da Almaniyanı, o cümlədən Avropanı narahat edir”
Politoloq düşünür ki, bu səbəbdən də, Almaniyanın baş naziri Angela Merkelin Türkiyəyə gəlişi də təsadüfü deyil.
“Almaniyanın baş naziri Angela Merkel Türkiyəyə gəlişi də təsadüfi deyil. Oradakı bu konfransın da təşkil olunması Türkiyəyə salınması da məqsədyönlü şəkildə təşkil olunub. Avropa Türkiyənin başqa istiqamətə meyil etməsindən çox narahatdır. Onlar Türkiyə ilə yenidən münasibətlərini tənzimləməyə çalışırlar. Ərdoğan da sağlam düşüncəli dövlət başçısıdır. Siyasətdə dövlətinin mənafeyini qoruyub birtərəfli hərəkətlər də edə bilməz. Avropadan qopub Rusiya ilə birləşə bilməz. Burada Türkiyənin köhnə dostluq var. Avropa ilə Türkiyənin böyük əlaqələri var. Əgər Rusiyada bir neçə min türk çalışırsa, Avropada milyonlarla vətəndaşı işləyir. Bu səbəbdən də, Türkiyə Avropadan üz döndərməməlidir”, - deyə İlqar Altay bildirib.
Ziya Səccad
Ölkə.Az
